سؤزلوک - چ

ائیلم لر - چ

چابالاماق : چوبالاماق  ، دؤزومسوزلوکنه ن ته رپه شمه ک ، اویان بویانا گئدیب گه لمه ک

چاپدیرماق : آت قووماق ، آتی اویان بویانا قاچیرتماق ، بیرزادی که سدیرمه ک

چاپماق : بیرزادی که سمه ک ، اوغورلاماق ، بیرزادی بیرینده ن گوجونه ن آلماق

چاپیلماق : واریوخوندان چیخماق ، یوخسوللاشماق

چاتالاشماق : چاتاللاشماق ،  آیریلیب ایکی یئره بؤلونمه ک

چاتلاتماق : چاتداتماق ، پارتداتماق ، یارماق

چاتماق : یئتیرمه ک ، یئتیشمه ک ، یوک له مه ک

چاتیشدیرماق : یئتیشدیرمه ک ، بیربیرینه یاپیشدیرماق

چاخناشدیرماق : شپه له ندیرمه ک ، دالغالاندیرماق ، بیربیرینه ده یدیرمه ک

چارپماق : بیربیرینه ده یمه ک ، توخونماق ، بیری بیرینه ن ساواشماق

چاشدیرماق : شاشدیرماق ، قاریخدیرماق ، کیریخدیرماق

چاغیرماق : ایسته مه ک ، گه تیرمه ک ، دعوت ائله مه ک

چاغیریلماق : ایسته لمه ک ، قوناق اوچون دعوت اولونماق

چالخالانماق : ییرقالانماق ، بیربیرینه ده یمه ک ، ته رپه نمه ک

چه پیک چالماق : ال چالماق ، ایکی الی بیربیرینه چالماق

چه تین له شمه ک : چه تین اولماق ، آغیرلاشماق ، ( بیر ایشین ) دویون دوشمه ک

چه رله مه ک : آغریدان اوره گی شیشمه ک و اولمه ک ، چه ر ناخوشلوق توتوب اولمه ک

چه کیلمه ک : دالی قالماق ، بیرقیراغا کئچمه ک ، قوی گؤتور اولوب آغیر یونگوللوغوبیلینمه ک

چه مکیرمه ک : چیمخیرماق ، قیشقیرماق ، بیرینین باشینا باغیرماق

چؤکمه ک : یاتماق ، اوتورماق ، بیریئرده دوشمه ک

چولقالاماق : بورومه ک ، اؤرتمه ک ، توتماق

چیخماق : ائشییه گئتمه ک ، زوغ آتماق ، گون دوغماق

چیرپینماق : دؤیونمه ک ( اوره ک ) ، چابالاماق

چیرتداماق : ( گونه یاخان ، قاوون ، قارپیز ، قاباق ) چه رده یینی سیندیریب ایچینی یئمه ک

چیمچه شمه ک : ایرگه نمه ک ، ایرگه نمه کده ن جانی بیر یئره ییغیشماق